點解唔改期？丹麥主帥含淚講出真相

即上歐國盃專頁，每日重心提供盡在《彩報》：https://win.on.cc/　

丹麥中場基斯甸艾歷臣喺周日(13日)凌晨歐國盃B組賽事，踢到42分鐘突然倒地昏迷，導致比賽暫停，其後恢復比賽，但丹麥球員心情受影響之下，0比1不敵芬蘭，賽後領隊賀文特不禁落淚表示，指歐洲足協拒絕取消賽事，全隊球員焗住堅持比賽落去，為艾歷臣而戰。

賀文特話：「艾歷臣醒番之後，歐洲足協畀我哋兩個選擇，一係即日繼續踢，一係延後至第2日中午12點比賽，每位球員都同意即日繼續踢，其實當時唔適合帶住呢種情緒比賽，但球員更加冇可能喺事情發生之後，仲可以安心回家睡覺，第2日再起身比賽。我哋好努力爭取贏波，老實講，球員嘅情緒已經崩潰，無法支撐落去，可以踢完下半場，係難以置信嘅事。」

賀文特亦大讚丹麥球員應對今次突發事件，表現非常好，悉心保護基斯甸艾歷臣，令佢避免進一步受傷害，表明生命比一切重要，祝願基斯甸艾歷臣早日康復。

歐洲足協所謂嘅兩個選擇，根本冇選擇，事後遭受輿論批評，指歐洲足協向錢看，實在太貪婪，應該取消賽事。