美洲盃開幕!尼馬率巴西3球大勝委內瑞拉

20210614
東網電視
更多新聞短片
即上歐國盃專頁,每日重心提供盡在《彩報》:https://win.on.cc/ 
美洲國家盃周一(14日)朝早開鑼,開波前臨時接辦今屆賽事嘅東道主巴西,揭幕戰以3比0大破委內瑞拉,喺B組旗開得勝。焦點球星尼馬今場表現活躍,巴西大部份攻勢都係由佢策動,最後佢亦交出1入波同1助攻成績表,成為巴西贏波最大功臣。
巴西挾住7連勝走勢出戰,今場面對賽前有至少8名球員確診新冠肺炎、被逼大變陣嘅委內瑞拉,一開始就順利控制戰局,23分鐘尼馬開出角球,馬昆奴斯哥利亞門前亂軍中搵到機會射入;2分鐘後李察利臣曾入楔中路建功,可惜越位在先被判詐胡。
巴西去到64分鐘增添紀錄,丹尼路雷斯殺入禁區被對手踢跌,球證直指12碼,尼馬操刀順利射入。完場前1分鐘尼馬突破越位,推過埋門將後傳中畀加比爾巴保沙撞入空門,協助巴西大勝3比0。