丹麥領隊：艾歷臣精神唔錯仲想去練波！

20210614
  • 東網電視
    更多新聞短片
    (Getty Images)
    即上歐國盃專頁，每日重心提供盡在《彩報》：https://win.on.cc/　
    丹麥球星基斯甸艾歷臣對芬蘭一戰突然暈倒，丹麥領隊賀文特於當地時間周日(13日)記者會上向傳媒交代艾歷臣最新情況，話佢精神唔錯，已經想復操！
    賀文特表示，「今日朝早同艾歷臣視像通話，見到佢笑，然後佢問我哋：『你哋點呀？睇落仲唔掂過我，我依家已經想去練波喇！』佢就係咁，成日顧人哋先再顧自己，佢想我哋繼續踢，所以我哋會為佢而戰。」
    丹麥將於香港時間周五(18日)凌晨對比利時，賀文特表示今日會復操，令球隊「回復正常」，但佢都話備戰好困難，因為全隊心情大受影響，更需要心理輔導。
    基斯甸艾歷臣目前正於哥本哈根醫院留醫，情況穩定，雖然佢好想盡快踢返波，不過要重返球場，仍然有待詳細觀察，事關當時情況比想像中危急。
    據有份即場急救的丹麥隊醫表示，原來艾歷臣一度「死亡」，呼吸及心跳都停頓，幸好進行心肺復甦及除顫後，成功將佢救返。