莫拉達繼續敗家 西班牙悶和瑞典

20210615
東網電視
更多新聞短片
即上歐國盃專頁,每日重心提供盡在《彩報》:https://win.on.cc/ 
周二(15日)凌晨歐國盃E組賽事,西班牙主場迎戰瑞典,「狂牛兵團」全場圍攻對手下,因前鋒艾華路莫拉達繼續「敗家」,最終只能同瑞典悶和0比0,成為今屆歐國盃第1場冇入球嘅比賽。
主場出擊嘅西班牙利用招牌控球踢法,完全控制比賽局面,上半場控球率高達79%。16分鐘丹尼爾奧莫近門頭槌頂彈地波,瑞典門將羅賓奧臣反應快撲出,29分鐘佐治高基射門亦告斜出。上半場黃金機會出現喺38分鐘,瑞典中堅馬古斯丹尼爾臣解圍漏油,畀艾華路莫拉達單刀機會,可惜呢位西班牙前鋒射門連龍門都唔中;瑞典完半場前幾乎一擊即中,阿歷山大伊沙克單人突破射門,被馬高斯洛蘭迪救空門後中柱彈出,半場踢成0比0平手。
下半場形勢未有太大變化,西班牙50分鐘再有機會,艾華路莫拉達禁區頂睇定後拉弓,可惜再一次未能命中目標,佢全場3次射門全部唔中龍,繼熱身賽對葡萄牙單刀失機後再做「敗家仔」。
西班牙之後愈踢愈沉,反而瑞典的反擊更具威脅,阿歷山大伊沙克61分鐘個人表演後傳中,但馬古斯貝治門前射高。西班牙隨即換入堤亞高艾簡達拿、謝拉特摩蘭奴等力圖加強壓力,但謝拉特摩蘭奴完場前必入頭槌再被救出,最終出現今屆首場0比0賽事。E組另一場賽事,斯洛伐克以2比1擊敗波蘭,高踞榜首。
延伸閱讀:【波蘭莽漢領紅!輸畀斯洛伐克大鑊】