舒希克自爆早有部署　「最佳入球」唔係符碌

即上歐國盃專頁，每日重心提供盡在《彩報》：https://win.on.cc/　

捷克前鋒柏德列舒希克周一(14日)歐國盃對蘇格蘭，喺中場轟入超長程世界波，帶領捷克贏2比0，賽後唔少網民都話可以將今屆最佳入球提早頒畀呢位射手。柏德列舒希克賽後就話，一早已經部署呢次遠程偷襲，絕對唔係「符碌」！

柏德列舒希克賽後表示：「我見到佢(大衛馬素爾)離開咗龍門，上半場我已經留意到呢個情況，佢一直企得好出，所以當個波去到我嗰度，我好快咁望吓個龍門嘅位置，見到佢唔喺龍門口我就嘗試一下，呢個入球非常精彩。」官方統計指呢個入球距離係49.7碼，亦係歐國盃史上最遠距離入波。