曼聯兵又少一件！甸軒整親籮柚退隊

即上歐國盃專頁，每日重心提供盡在《彩報》：https://win.on.cc/　

英格蘭國家隊官方周二(15日)宣布，曼聯門將甸恩軒達臣臀部受傷，無法在餘下賽事上陣，已退出英格蘭歐國盃大軍，英足總補選錫菲聯門將蘭斯達爾入伍。

英足總公布，甸恩軒達臣受臀部傷勢困擾，將會返回曼聯接受檢查及治理，國家隊官方發文：「為你可惜，甸恩軒達臣，祝你早日康復。蘭斯達爾，歡迎加入三獅軍團。」根據歐足聯條例，歐國盃期間如果有門將傷病，可以在任何時間補選。

英格蘭上仗對克羅地亞，正選陣容沒有曼聯及利物浦球員，英軍今次點兵只係徵召咗4位曼聯兵，「甸軒」退出後，曼聯兵得番3個，就係勞基梳爾、哈利馬古尼同拉舒福特。

巧合嘅係，甸軒上季喺錫菲聯冒起，被曼聯回收後，頂替甸軒擔任錫菲聯門將嘅咁啱就係蘭斯達爾，依家甸軒離開英軍，亦係由呢位23歲門將接替佢嘅空缺。