加斯居尼：我飲大咗都踢得好過佢！

即上歐國盃專頁，每日重心提供盡在《彩報》：https://win.on.cc/　

曼城小將菲爾科頓喺今屆歐國盃剪咗個金色短髮髮型，非常搶眼，網民將佢同96年歐國盃嘅加斯居尼比較，原裝正版嘅加斯居尼見到有人扮佢，就好自大咁話：「我飲醉酒落場都踢得好過佢！」

對於菲爾科頓，加斯居尼表示：「冇人可以同我比，我合埋眼都識踢波，就算飲大咗，隊咗成支威士忌，都踢得好過佢。」

講到英格蘭今屆有冇機，佢就話：「梗係有啦，英格蘭攻力不可思議，但係後防仲要睇睇。」佢仲認為英軍壓力大咗：「2018世界盃後壓力大咗，英格蘭要喺溫布萊比賽，球員要頂住壓力，可能係96年後最有機會一次，法國係頂頭熱門，英格蘭就要頂住壓力。」