近49年最大噩夢　德國重演分組賽出局悲劇？

即上歐國盃專頁，每日重心提供盡在《彩報》：https://win.on.cc/　

德國喺歐國盃0比1不敵法國，球隊自1972年參加呢項大賽以來，首次喺第1場比賽輸波，亦係繼2018年世界盃0比1輸畀墨西哥之後，再次喺首場分組賽敗陣。德國3年前喺世界盃分組賽包尾出局，今次又開壞個頭，令人擔心「日耳曼兵團」會重演悲劇。

德國(包括前西德)喺1972年首次參加歐國盃，就奪得冠軍，並且連續12屆首場比賽，保持不敗，錄得7勝5和。德國對上1次歐國盃首場比賽贏唔到，已經係2004年打和荷蘭1比1，今次輸畀法國，被打破首戰不敗之身。

德國今屆歐國盃仲要同上屆冠亞軍葡萄牙、法國同組，令爭出線更加舉步維艱，如果下場輸畀葡萄牙，出線形勢就非常危。

不過，歐國盃有4支小組第3名可以出線，只要德國唔好重演2018年世界盃分組賽排包尾，應該仲有機會出線，所以最後1場對匈牙利，德國不容有失。