歐洲足協落案調查　阿拿奧杜域或緣盡歐國盃

即上歐國盃專頁，每日重心提供盡在《彩報》：https://win.on.cc/

奧地利前鋒阿拿奧杜域喺對北馬其頓嘅歐國盃賽事，入波後慶祝期間涉嫌以帶有種族歧視嘅言語，辱罵對方球員阿里奧斯基，賽後北馬其頓足總已去信歐洲足協投訴，而歐洲足協周二下午宣布會對呢位球員正式落案調查，一經定罪，阿拿奧杜域隨時緣盡歐國盃。

歐洲足協喺聲明入面講到：「根據紀律條例第31條第4項規定，已經任命了一名道德及紀律檢查員，就涉及球員阿拿奧杜域的事件進行調查，有關此事的進一步信息將在適當時候提供。」

根據歐洲足協2013年確立嘅規例，對於種族歧視行為，最低處罰至少禁賽10場，意味著如果一定經罪，「奧地利伊巴」恐怕會被禁止參加剩餘嘅歐國盃賽事，對奧地利無疑係一大打擊。