三獅兵團喜訊！馬古尼有望復出鬥蘇格蘭

即上歐國盃專頁，每日重心提供盡在《彩報》：https://win.on.cc/

英格蘭周六（19日）深夜將會出戰歐國盃C組第2輪賽事，火併蘇格蘭。賽前「三獅兵團」收到好消息，中堅哈利馬古尼經過1個月休息後，足踝已接近傷愈，有望趕及喺呢場分組賽上陣。

「身體狀況感覺好好，想快啲可以落場，我覺得足踝目前好穩定同健康，已經準備好參加比賽。」 哈利馬古尼賽前向記者透露自己近況。呢位28歲中堅最近2個星期，只係跟國家隊操過6次，狀態成疑，加上球隊要贏波爭取提早出線，相信今場領隊修夫基都未必會用佢。

效力曼聯嘅哈利馬古尼，自從5月9號喺對阿士東維拉嘅英超比賽整親足踝韌帶後，就一直養傷無踢過，先後缺陣咗唔少重要比賽，包括歐霸盃決賽同歐國盃首輪對克羅地亞嘅大戰。