利物浦睇中德國中場科利安尼奧侯斯

荷蘭巨星柏金，全面拆解歐國盃：https://bit.ly/3zC3leS　

荷蘭中場韋拿杜姆由利物浦轉投巴黎聖日耳門之後，紅軍終於搵到新目標頂替佢！據西班牙《阿斯報》報道，利物浦計劃羅致24歲慕遜加柏中場科利安尼奧侯斯，最快等佢踢完歐國盃就會正式開價。

利物浦今夏以3500萬歐羅簽入RB萊比錫中堅干拿迪之後又準備出手，早前有傳紅軍睇中李斯特城全能中場泰利文斯，以填補韋拿杜姆嘅空缺，但西班牙媒體就話簽科利安尼奧侯斯嘅成數更高。利物浦簽入呢位德國中場的話，可以同堤亞高艾簡達拉及法賓奴泰華利斯組成創造力同壓迫性強嘅中場組合，而佐敦軒達臣就可以更專注防守。