不容再失變陣搶W 西班牙波蘭大駁火

2021年06月19日 18:00
東網電視
更多新聞短片
即上歐國盃專頁,每日重心提供盡在《彩報》:https://win.on.cc/
周日凌晨歐國盃E組次輪焦點戰,「狂牛」西班牙於主場火併波蘭。兩軍同樣喺首輪失分而回,今仗不容再失,上仗久攻不下嘅西班牙勢變陣出擊,「秘密武器」謝拉特摩蘭奴奉命擔正;波蘭為搶分亦冇得再縮,加上近年交手例演入球騷,2.5球嘅入球大趁早買。(Now 618及616周日凌晨3時直播)
西班牙主帥安歷基今次一意孤行唔召「皇馬幫」,可惜佢仲未搵到最佳陣容,首輪面對瑞典,「狂牛」佔咗逾7成控球權,全場17次射門更遠超對手,可惜箭頭艾華路莫拉達頻頻失機,西班牙圍攻下畀對手悶和0比0,難免令球迷失望。
謝拉特摩蘭奴有望擔正
雖然未能旗開得勝,但安歷基深明今仗贏波嘅話,出線機會仍然樂觀,相信會變陣爭勝。有指中場堤亞高艾簡達拿同謝拉特摩蘭奴將重奪正選席位,加強侵略性,後者剛季為維拉利爾於聯賽攻入23粒,係西甲入波最多嘅土炮,配合艾華路莫拉達嘅掩護,有望喺波蘭身上搵到着數。
波蘭首輪同樣令人失望,以1比2不敵斯洛伐克,先有對方射門反彈門將施捷斯尼誤擺烏龍,之後輪到中場主力基祖華克領紅牌被逐,今仗要坐波監,非常黑仔,但為爭出線搶分決心絕不下於「狂牛」,效力拜仁嘅32歲神鋒羅拔利雲度夫斯基,必定要把握剩餘唔多嘅機會,喺國際賽爭取成就。兩軍近3次碰頭全開3球或以上,求勝心切下駁火難免,2.5球大盤更可取。