泰亞尼戴最可愛護脛　將續約阿仙奴5年

最強博彩盤路過關神器《串績王》：http://win.on.cc/football/　

蘇格蘭喺歐國盃守和英格蘭0比0，傷愈復出嘅基蘭泰亞尼擔任左中堅表現突出，不時上前助攻之外，更成功凍結英格蘭中場發電機菲爾科頓，鐵血防守贏得一致讚賞。呢位24歲球星賽後更向傳媒Show出佢嘅萌爆護脛，上面印住一隻狗仔嘅相片，據報係佢養嘅寵物，相當可愛。

蘇格蘭可唔可以出線仲係未知數，不過基蘭泰亞尼亦有好消息，據報佢已經同阿仙奴達成續約協議，新嘅5年合約人工大增至周薪11萬鎊，等蘇格蘭完成今屆歐國盃之旅後，基蘭泰亞尼就會正式簽約。消息指阿仙奴領隊阿迪達視基蘭泰亞尼為未來隊長人選。