贏兩場都不滿　雲巴士頓：迪歷特冇進步

即上歐國盃專頁，每日重心提供盡在《彩報》：https://win.on.cc/

荷蘭日前喺歐國盃贏咗同組奧地利2比0，家陣喺C組以6分排緊榜首，但傳奇球星雲巴士頓就唔太滿意，仲發炮話中堅馬菲斯迪歷特喺意甲踢咗兩季都無進步。

曾經喺88年幫荷蘭贏得歐國盃嘅雲巴士頓話迪歷特作為一個中堅，要覆蓋更大嘅範圍：「佢要睇得更濶，要隊友聽到佢講嘢，又要有自己嘅觀點，更必要領導防線，但佢只係追住對手，留咗好多空位。」

雲巴士頓對批評馬菲斯迪歷特喺意甲兩季都唔見進步:「佢係中堅，去咗意大利就係要學習點樣防守，但我覺得佢喺果度學唔到太多。」馬菲斯迪歷特踢阿積士務起，跟住2019年加盟祖雲達斯。

除此之外，呢位名宿對主帥法蘭迪保亞嘅排陣都唔太認為，佢覺得唔應該以3-5-2排陣，呢個陣唔太啱荷蘭。