曼聯孤注一擲 出英超最高薪綁實普巴5年

20210621
東網電視
更多新聞短片
(Getty Images)
即上歐國盃專頁,每日重心提供盡在《彩報》:https://win.on.cc/ 
英國《太陽報》爆料,指曼聯孤注一擲,向中場保羅普巴開出一份40萬鎊周薪嘅新約,希望同呢位法國國腳續約5年,如果雙方達成協議,保羅普巴就會成為英超最高薪球員。
保羅普巴現時只剩下1年合約,但至今仍然未肯答應同曼聯續約,如果一直拖落去,普巴就可以喺明年1月同其他球會傾加盟問題,然後等明年夏天約滿,以自由身離隊,到時紅魔鬼就人財兩失。
因此,曼聯計劃盡最後努力,一口價向28歲嘅普巴開出40萬鎊周薪嘅新約,比佢現時人工多10萬鎊周薪,亦比目前英超最高薪球員曼城中場奇雲迪布尼多1.5萬鎊周薪。
早前有傳保羅普巴要求50萬鎊周薪先至肯續約,至於依家願唔願意接受曼聯開出嘅新待遇,仍然係未知之數。
另外,西班牙《馬卡報》指皇馬中堅華拉尼嘅經理人打算下星期同曼聯代表見面,傾呢位法國國腳成「魔」嘅事宜,華拉尼同皇馬只剩下1年合約,盛傳佢希望轉會,曼聯屬於主要買家之一。
如果曼聯最終簽入華拉尼,並同保羅普巴續約,紅魔鬼下季將「法國化」,可望提升實力。