蘇格蘭新星確診 芝維爾及美臣蒙特要隔離

20210621
東網電視
更多新聞短片
比利基莫亞twitter
荷蘭巨星柏金,全面拆解歐國盃:https://bit.ly/3zC3leS 
上場歐國盃「英倫打吡」當選「賽事之星」嘅蘇格蘭新星比利基莫亞,周一(21日)獲蘇格蘭足總證實確診新冠肺炎,按例須隔離10日,周二D組生死戰對克羅地亞無緣上陣。
20歲嘅比利基莫亞效力車路士,上月剛隨隊捧歐聯冠軍,今屆歐國盃首次入選蘇格蘭國家隊,上場惡鬥英格蘭即獲委以重任,正選披甲,至76分鐘被換出,佢該仗各項數據都名次前茅,賽後當選「賽事之星」,即係賽事最佳球員。
蘇格蘭在今屆歐國盃兩戰得1分,嚟緊與同樣只得1分嘅克羅地亞火併,贏波先有機會出線,但呢個時候比利基莫亞突然確診,先唔好理感染源頭,蘇格蘭下場冇咗佢鎮守中場,點頂得住克羅地亞?
至於英格蘭最新一次檢測,全隊暫時冇事,但睇番當日場波,比利基莫亞同好多英兵例如美臣蒙特都有密切接觸,攬頭攬頸,諗落都好牙煙!英國《太陽報》最新消息,芝維爾及美臣蒙特都要接受隔離,獨自操練。
至於蘇格蘭隊內情況,隊長安德魯羅拔臣同比利基莫亞打過乒乓波,確診後羅拔臣即刻刪晒啲相,睇嚟佢都好驚喎!