為北馬其頓完成任務！彭迪夫告別場面感人

荷蘭巨星柏金，全面拆解歐國盃：https://bit.ly/3zC3leS　

37歲的北馬其頓隊長彭迪夫，周二凌晨出戰在歐國盃出戰國家隊生涯嘅告別戰，賽前荷蘭隊亦向呢位「10號仔」送上122號嘅特別版球衣，以紀念他為國家披甲122次致敬。

北馬其頓在今屆歐國盃是史上首次參加國際賽，對隊長彭迪夫來講都係最後一次，而佢更加完成偉大任務，為球隊送上史上首個入球。

荷蘭隊開賽前特別送上一件印有122嘅波衫，送畀彭迪夫作紀念，而踢到68分鐘北馬其頓換人，將隊長換出，全體球員列隊向這位為國家踢足20年嘅英雄鼓掌致敬，並且逐個相擁，場面感人，最終北馬其頓呢場輸0比3，而佢哋亦完成了歷史任務，小組出局。

彭迪夫為北馬其頓出戰122場，攻入38球。佢日前都講過呢場會係生涯最後一戰，而佢今季效力意甲熱拿亞，合約6月底到期，今個賽季佢為球會出戰30次，攻入7球助攻3次，佢未正式宣布掛靴，即使結束國家隊生涯，但會否延續足球生涯，就視乎熱拿亞是否續約，但睇嚟機會唔係太大。