背水一戰!蘇格蘭克羅地亞博大霧

20210622
東網電視
更多新聞短片
荷蘭巨星柏金,全面拆解歐國盃:https://bit.ly/3zC3leS 
D組同時間仲有蘇格蘭對克羅地亞,兩軍都有1分喺手,贏波全取3分,起碼會取得小組第3名,一個唔覺意如果「英捷戰」分出勝負,仲有機會成為次名直接出線添,呢場肯定唔會龜縮。蘇格蘭逼和英軍士氣正盛,而克羅地亞球員大賽經驗豐富,勢要打破「世盃亞軍魔咒」,拳來腳往肯定多波人,首選2.5球入球大。(Now 619及617周三凌晨3時直播)
攞3分有機會次名晉級
點解蘇格蘭同克羅地亞要搶攻,簡單講吓形勢就明。如果英格蘭贏捷克,捷克最終只得4分,克羅地亞如果大炒蘇格蘭,同樣得4分,由於克軍同捷克對賽一樣,到時就以總得失計排名;蘇格蘭情況相近,只要捷克擊敗英格蘭,蘇格蘭又能大勝克羅地亞,蘇英同得4分對賽又一樣時,又係可以計總得失球,所以蘇格蘭同克羅地亞,隨時有機會變成次名出線,既然有咁大誘因,今場當然唔會龜縮啦。
事實上,克羅地亞不乏進攻好手,列比錫、比列錫同莫迪歷都極具級數,今場仲會出埋卡拉馬歷,佢哋勢要打破「世盃亞軍魔咒」,自1994年世盃亞軍意大利開始,2002年世盃亞軍德國、2006年嘅法國同2010年嘅荷蘭,跟住嗰屆歐國盃都分組賽出局,「格仔兵團」今場定必狂攻,避免重蹈覆轍。
蘇格蘭係24路大軍唯一一支未取得入波球隊,不過上場鬥英格蘭已經好接近,今場豁出去或有脫胎換骨表現。雖然賽前中場小將比利基莫亞確診新冠肺炎,但左路安德魯羅拔臣同基蘭泰亞尼呢對英超組合,側擊力強,加上國家隊士哥王約翰麥甘尼及前鋒查阿當斯,絕對有力撕破克羅地亞防線,今場肯定係一場入球騷。