時隔19個月　夏薩特終於踢足全場！

荷蘭巨星柏金，全面拆解歐國盃：https://bit.ly/3zC3leS　

比利時喺歐國盃首兩仗已提前出線，日前嘅第3輪對芬蘭，領隊馬天尼斯安排「玻璃腳」夏薩特正選上陣，結果踢足全場冇換走，傳媒統計，今場係「夏神」19個月以來首次踢足全場，真係要還神！

夏薩特2019年由車路士轉投皇馬，但之後傷多過踢，過去兩季夾埋只係上陣30場，對上一次踢足全場係2019年11月，之後因為大傷原本肯定錯過歐國盃，不過後來因為疫情歐國盃押後一年，夏薩特好番先可以踢到。

夏薩特好番之後，皇馬前主帥施丹一直好小心，每次派佢落場都慳住用，甚少畀佢踢足全場，一到下半場差唔多時候就換走佢，或者只派佢後備上陣，以免佢太粗勞又傷過。

嚟到歐國盃，夏薩特踢番比利時又冇嘢喎，冇傷冇病，對丹麥之戰後備上陣即更交出助攻，最後一輪對芬蘭更踢足全場，大家都期待佢狀態重回巔峰，重現當年喺車路士嘅風采！