德國傳媒爆料　曼聯一星期內簽入辛祖

即上歐國盃專頁，每日重心提供盡在《彩報》：https://win.on.cc/　

曼聯計劃收購多蒙特翼鋒查頓辛祖，已經擾攘多時，近日取得重大進展，德國《圖片報》指曼聯決定加碼，同意支付9,000萬歐元轉會費，並可能喺未來一星期內完成交易，令呢位英格蘭國腳成為紅魔鬼史上第3貴球員，僅次於保羅普巴、哈利馬古尼。

據悉，曼聯已經同查頓辛祖達成個人待遇條款，雙方將會簽約5年，現時只剩下曼聯同多蒙特就轉會費數額，作最後談判，多蒙特基本上已經同意紅魔鬼嘅出價，只係欠正式宣布。

查頓辛祖出身於曼城青年軍，2017年轉投多蒙特之後表現出色，特別係2019/20球季，佢上陣44場入20球。呢位「00後」新星今季即使受傷患問題困擾，仍然為多蒙特上陣38場入16球。

查頓辛祖有份入選英格蘭大軍出戰今屆歐國盃，但至今僅於第3場分組賽對捷克，後備上陣踢咗6分鐘。