干拿羅拔斯樂做反派　要令全世界傷心

即上歐國盃專頁，每日重心提供盡在《彩報》：https://win.on.cc/　

上屆歐國盃4強份子威爾斯，今屆再闖淘汰賽，硬撼丹麥爭入8強。丹麥經歷過「基斯甸艾歷臣事件」後仍神奇晉級，唔少球迷都希望目睹佢哋再製造童話故事，不過威爾斯守將干拿羅拔斯就表示，佢哋樂意擔任「反派」，誓要將丹麥踢出局。

3場分組賽都踢正選嘅干拿羅拔斯表示：「丹麥相當難應付，但希望我哋會獲得最後勝利，我相信全世界99%嘅球迷都會支持丹麥，不過威爾斯都有好多好球員，只要我哋踏入球場，就會盡最大能力去爭取勝利。威爾斯經常都會畀人睇死，但我哋總可以令人大跌眼鏡。」