荷蘭官宣　主帥法蘭迪保亞落鑊

荷蘭巨星柏金，全面拆解歐國盃：https://bit.ly/3zC3leS　

闊別7年重返國際大賽嘅荷蘭國家隊，在歐國盃16強倒灶不敵捷克出局後，荷蘭足總周二(29日)官方宣布，與領隊法蘭迪保亞提前解約，至於之後嘅世盃外由何人領軍，暫時未有人選。

荷蘭本來由朗奴高文執教，成功帶領球隊出線歐國盃決賽周，但去年夏天遭巴塞隆拿挖角，荷蘭足總請來法蘭迪保亞頂上，估唔到「細孖」上任唔夠一年，就被辭退。

荷蘭傳媒報道，法蘭迪保亞因領軍未能達到預期目標，在雙方協議下和平分手。其實在荷蘭出局後，法蘭迪保亞已經有晒心理準備，佢話：「球隊未能達到目標，對球隊嘅評價亦好清晰，我決定唔再繼續執教。」