冇咗「肥安」關照　J神焗轉投AC米蘭

即上歐國盃專頁，每日重心提供盡在《彩報》：https://win.on.cc/　

意大利名帥安察洛堤早前離開愛華頓，轉投皇馬之後，「契仔」占士洛迪古斯冇咗「肥安」關照，亦即將離開呢支英超球隊。英國傳媒指占士洛迪古斯將會轉投意甲球隊AC米蘭，簽約3年。

占士洛迪古斯上年9月由皇馬加盟愛華頓，全靠「契爺」安察洛堤一手促成，「肥安」轉投皇馬後，J神唔止頓失依靠，而且佢同愛華頓新帥賓尼迪斯有「牙齒印」，賓尼迪斯執教皇馬時期，將J神投閒置散，如果佢繼續留喺愛華頓，一定冇運行，賓尼迪斯亦冇打算留用佢。

至於AC米蘭需要簽入1位進攻中場，代替轉投國際米蘭嘅查漢奴古，所以睇中占士洛迪古斯，據悉A米準備用1,000萬歐元收購呢位29歲哥倫比亞國腳，雙方將會簽約3年，J神可以獲得600萬歐元年薪。

占士洛迪古斯上季為愛華頓射入6球及9次助攻，以佢嘅級數，應付意甲綽綽有餘。