20歲丹麥新星爆紅　巴塞都想簽佢

即上歐國盃專頁，每日重心提供盡在《彩報》：https://win.on.cc/　

丹麥爆冷打入歐國盃8強，並誕生一位超新星，佢就係20歲翼鋒丹斯加特，呢位「00後」小將今屆賽事已入1球及1次助攻，表現光芒四射，據悉巴塞隆拿新會長拉波塔已經睇中丹斯加特，親自欽點要簽入佢。

效力意甲球隊森多利亞嘅丹斯加特，原本只係丹麥後備球員，但由於基斯甸艾歷臣首仗歐國盃對芬蘭，出現心臟問題，缺陣餘下賽事，令丹斯加特有機會上位。佢亦不負所托，最後1場分組賽對俄羅斯嘅生死戰，入波為球隊打開紀錄，最終大勝4比1出線。丹麥上場16強對威爾斯，丹斯加特貢獻1次助攻，幫球隊大勝4比0。

經過呢2場比賽之後，丹斯加特人氣急升，巴塞隆拿、AC米蘭、祖雲達斯都有意收購佢，佢所屬球會森多利亞要求5,000萬歐元轉會費，意大利傳媒認為4,000萬歐元應該可以成交。

巴塞隆拿比較大機會簽入丹斯加特，因為佢本人都希望倣效丹麥名宿米高盧特立，去西甲闖一闖，為巴塞效力。