西班牙想捧盃！兩項數據決定佢哋命運

最強博彩盤路過關神器《串績王》：http://win.on.cc/football/　

西班牙殺入歐國盃4強，走向冠軍又近一步，但佢哋有兩個數據值得留意，就係兩大鋒將艾華路莫拉達同埋謝拉特摩蘭奴嘅入球命中率極低，再加上12碼成功率唔高，如果狂牛隊想攞冠軍，唔該快啲處理吓啦！

西班牙今屆嘅表現備受質疑，但佢哋又去到呢個階段，真係有啲運，今屆嘅鋒線進攻乏力，單係睇佢哋對瑞士一仗，謝拉特摩蘭奴短短時間內錯過兩個必入機會，而自歐國盃開打以來，主力射手艾華路莫拉達一球都未入過，錯失必入球嘅機會就有4次，根據一項數據顯示，呢兩位前鋒共錯過咗10次必入機會，難怪球迷睇到眼火爆。

至於西班牙嘅12碼魔咒都係一個隱憂，佢哋最近10次射12碼，只入咗3粒，如果4強甚至有機會踢決賽的話，呢個會係勝負嘅一個主要關鍵。