AC米蘭睇中捷克頭號射手　出手搶人

即上歐國盃專頁，每日重心提供盡在《彩報》：https://win.on.cc/

捷克今屆表現搶鏡，雖然周日凌晨輸咗畀「神奇球隊」丹麥，8強止步，但佢哋嘅頭號射手柏德列舒希克即引來歐洲豪門注視，隨時掀起爭奪戰。

呢位捷克「10號仔」喺今屆歐國盃已經追平咗C朗嘅入球紀錄，同樣都係攻入5球，只因助攻少而喺射手榜排第二。有意大利傳媒消息指，AC米蘭已經昅實舒希克，希望今個夏天可以引進呢位25歲射手，當然對舒希克嚟講喺意甲踢波唔係陌生，他曾效力羅馬。

事實上，柏德列舒希克除咗今次歐國盃踢得出色之外，喺利華古遜都表現唔錯，上季落場2295分鐘，攻入13球，仲有兩次助攻。