【官宣】韋拉出任水晶宮領隊

即上歐國盃專頁，每日重心提供盡在《彩報》：https://win.on.cc/　

英超水晶宮周日(4日)官方宣布，委任45歲法國籍主帥韋拉為球隊領隊，簽約3年至2024年。亦係該位前法國中場離開曼城後，以主帥身份重返英超。

韋拉喺英超曾有輝煌歷史，1996至2005年效力阿仙奴並曾出任隊長，2010至11年效力曼城1季結束球員生涯，2016年於美職展開教練生涯，曾教紐約城，2018至20年回法國執教尼斯，去年底離任。

水晶宮老帥鶴臣上季結束後功成身退，會方一直物色新帥人選，候選名單計有法夫爾及古柏，最終選定韋拉。韋拉球員時代喺英超好成功，但喺教練方面資歷尚淺，所以執教非爭標球會水晶宮就最啱佢，當係畀佢磨鍊吓，佢嚟緊嘅任務，就係幫水晶宮護級。