怪錯安歷基?西班牙創3項最強數據

2021年07月05日 13:03
東網電視
更多新聞短片
(Getty Images)
即上歐國盃專頁,每日重心提供盡在《彩報》:https://win.on.cc/ 
西班牙雖然打入歐國盃4強,但5場比賽法定時間只有1勝4和,成績真係麻麻,主帥安歷基領軍能力亦備受質疑。不過,有統計數據發現「鬥牛兵團」表現其實非常出色,創造多項亮麗數據。
原來西班牙今屆平均每場控球率,達到62%,傳球準確率更加高達89.4%,並合共有39次射中目標,呢3個主要數據都係各隊之中最好。
另外,西班牙仲有140次傳中、218次成功搶截、96次遭對手侵犯,41次獲得角球,都係各隊中最多。
同埋西班牙只有49次解圍,屬於各隊之中最少,從上述數據反映西班牙往往可以喺比賽之中控制大局,佔到上風。
不過,西班牙衰在前鋒埋門把握力比較低,無論用艾華路莫拉達或者謝拉特摩蘭奴出任正選,都經常浪費入球機會,導致球隊整體成績欠佳。