丹麥8號仔自爆：我係紅綠色盲　最驚......

荷蘭巨星柏金，全面拆解歐國盃：https://bit.ly/3zC3leS　

今屆歐國盃重現「丹麥童話」，中場靈魂基斯甸艾歷臣心臟問題倒下，激發全隊鬥志，丹麥殺入4強，其中8號中場球員湯馬士迪蘭尼表現出色，8強淘汰捷克一仗攻入1球，賽後當選最佳球員，佢自爆患有紅綠色盲，最驚遇到嘅球隊係墨西哥。

湯馬士迪蘭尼坦言：「我係紅綠色盲，真係分唔到兩種顏色，有一次丹麥對墨西哥，兩隊都着白色褲，睇波衫顏色我完全分唔到邊個係隊友邊個係對手，只能睇塊面認人，但我仲要顧住比賽，都唔知點交波。」

幸運嘅係，歐國盃唔會有墨西哥參賽，而丹麥今屆所遇過嘅對手，芬蘭、比利時、俄羅斯、威爾斯、捷克，同埋即將遇到嘅英格蘭，都唔會出現撞色情況，湯馬士迪蘭尼可以安心作賽。

他又表示丹麥現時係為艾歷臣而戰：「基斯甸艾歷臣係丹麥最佳球員，我哋將佢放喺心裏，我哋全力比賽，令佢感到驕傲。」