4位主將受傷！拜仁成歐國盃大輸家

即上歐國盃專頁，每日重心提供盡在《彩報》：https://win.on.cc/　

「FIFA病毒」一向係球會最大「敵人」，德甲勁旅拜仁慕尼黑慘「中招」，因為4位主將盧卡斯靴南迪斯、班捷文柏華特、京士利高文、哥倫天杜利素都喺歐國盃期間受傷，勢必影響球隊備戰新球季。

呢4位傷兵都係法國國腳，當中以左後衞盧卡斯靴南迪斯傷勢最嚴重，佢已經接受咗左膝內側半月板手術，預料需要養傷數星期，肯定缺陣季前4場熱身賽。拜仁慕尼黑將於8月6日出戰德國盃，以及8月14日踢首輪德甲對慕遜加柏，盧卡斯靴南迪斯都可能缺陣。

至於另外3人雖然傷勢唔算嚴重，但畢竟剛踢完歐國盃，需要時間放假休息，將會延遲歸隊，今次真係考起拜仁新教練拿高斯文。