巴塞工資額超標 阿古路冇得註冊

2021年07月06日 21:03
東網電視
更多新聞短片
阿古路冇得註冊
荷蘭巨星柏金,全面拆解歐國盃:https://bit.ly/3zC3leS 
西班牙傳媒報道,巴塞隆拿今夏簽入嘅新球員包括阿古路及迪比等,暫時都無法註冊,原因係巴塞嘅工資額超標,新球員註冊被凍結,直至工資額降回合格水平為止。
據早前報道,巴塞必須將現時6億歐元嘅球員總薪金支出減半,下降至3億歐元,才達到西甲賽會嘅新標準,因此巴塞要求隊中全體球員大幅減薪,不過未獲理會。
既然球員唔肯降薪,巴塞唯有出另一招,就係清洗隊中球員,據報道烏姆迪迪、比真歷將被棄用,不收分文轉會費讓其自由轉會,亦積極為菲臘比古天奴物色買家,據報古仔轉會費減到2000萬歐元,AC米蘭準備接平貨。
巴塞今季簽入阿古路、迪比、艾利加西亞及艾馬臣艾巴里斯杜,朗奴高文準備以此重建球隊,而且巴塞仲要解決美斯續約嘅問題,真係頭都大埋。