激光騷擾都唔怕 舒米高9次神救超越爸爸

20210708
東網電視
更多新聞短片
荷蘭巨星柏金,全面拆解歐國盃:https://bit.ly/3zC3leS 
丹麥童話喺歐國盃4強結束,不過門將卡斯柏舒米高絕對可以挺胸昂首離開呢個舞台,呢位「傳奇之後」今場對英格蘭作出9次撲救,創下丹麥足球新紀錄,達到佢爸爸老舒米高都去唔到嘅高度。卡斯柏舒米高比賽期間更被英格蘭球迷用激光騷擾,但一樣阻唔到佢救出哈利卡尼12碼。
卡斯柏舒米高今場高擋低撲,上半場施展老竇「海星撲救」將史達寧近門必入球擋出,Opta數據顯示佢全場作出9次撲救,創下丹麥歐國盃史上單場最多撲救紀錄,即係代表超越埋佢個傳奇爸爸舒米高。雖然老舒米高喺92年率領丹麥捧盃,但論個人表現,卡斯柏舒米高亦唔輸畀爸爸。
老舒米高喺92年歐國盃4強互射12碼階段,曾經撲出荷蘭前鋒雲巴士頓嘅射門,今場佢面對英格蘭前鋒哈利卡尼12碼,撲救前被球迷用綠色鐳射光射眼騷擾,但佢仍然成功撲救,只可惜冇運個波落番哈利卡尼腳下先被補中。