【官宣】最後破英功臣　巴洛迪利登陸土超

最強博彩盤路過關神器《串績王》：http://win.on.cc/football/　

意大利將會同英格蘭喺歐國盃決賽爭雄，兩隊對上一次國際大賽碰頭，就係14年世界盃分組賽，當時巴洛迪利近門頭槌攻破英格蘭大門，帶領意大利贏2比1，亦係意大利對上一個喺大賽攻陷英格蘭嘅球員。相隔7年，巴洛迪利周四(8日)宣布同土耳其球會代米爾(Adana Demispor)簽約3年。

現年30歲嘅巴洛迪利上季加盟意乙球隊蒙沙，可惜最後衝擊意甲失敗，今夏約滿回復自由身嘅佢，周四落實加盟土超新升班球隊代米爾，球會官方聲明證實雙方已經簽約3年，巴洛迪利嘅一半人工會由贊助商負責。代米爾主席辛卡克更表示，巴洛迪利嘅目標係為意大利踢2022年世界盃決賽周，所以一定會喺土超盡力爭取表現。