巴黎接觸美斯父親：續唔到約就過嚟！

足球博彩神器，每日重心提供盡在《彩報》：http://win.on.cc/football/　

美斯同巴塞隆拿續約談判早有定論，但礙於巴塞薪酬支出嚴重超標，令美斯無法完成續約程序，甚至連新援阿古路嘅註冊都被凍結，事情陷入僵局，巴黎聖日耳門近日接觸美斯父親，叫佢傳話「續唔到約就過嚟」。

西班牙電視6台報道，聖日耳門日前聯絡美斯父親，表示隨時歡迎美斯加盟，如果美斯無法與巴塞續約，聖日耳門可以立即同佢簽約。

美斯去年夏天向巴塞申請離隊，佢下間球會名單中就包括聖日耳門，如果成事，美斯將會同尼馬及基利安麥巴比合作，尼馬更公開表示願意為美斯讓出主力位置，今夏美斯回復自由身，只要佢願意，可以加盟任何球會。