馬高華拉堤搶先宣布　當拿隆馬已簽PSG

即上歐國盃專頁，每日重心提供盡在《彩報》：https://win.on.cc/　

意大利門神基安盧基當拿隆馬係今屆歐國盃最佳門將之一，已經同AC米蘭約滿回復自由身嘅佢，一直盛傳會喺決賽周後正式加盟巴黎聖日耳門(PSG)，不過佢嘅隊友馬高華拉堤喺決賽前就搶先爆料，證實呢位22歲門將已經簽約PSG。

效力PSG長達9年嘅馬高華拉堤，日前講到基安盧基當拿隆馬去留嗰陣表示：「佢值得加盟一支有能力贏得歐聯冠軍嘅豪門，好開心基安盧基當拿隆馬將會成為我喺PSG嘅隊友，佢一定會為球隊帶嚟極大貢獻。」

據報基安盧基當拿隆馬已同PSG簽署年薪1,200萬歐元嘅肥約，預計決賽後就會飛去巴黎完成轉會手續。