卡塔爾奇人創歷史　3大洲國家盃都入波！

最強博彩盤路過關神器《串績王》：http://win.on.cc/football/　

周三(14日)朝早舉行嘅美洲金盃D組賽事，獲邀參賽嘅亞洲勁旅卡塔爾同巴拿馬踢成3比3平手，卡塔爾前鋒艾莫爾斯阿里今場就創下神奇紀錄，佢成為史上第1個喺亞洲盃、美洲國家盃同美洲金盃都入過波嘅球員，橫掃3大洲份嘅國家盃，睇怕都幾難有人可以超越！

卡塔爾今場同巴拿馬進行激戰，3度領先之下都被追成平手，其中為卡塔爾攻入第2球嘅艾莫爾斯阿里，成功改寫足球歷史。呢位24歲前鋒2年前喺亞洲盃帶領卡塔爾奪冠，佢以9個入波成為神射手；同年夏天卡塔爾獲邀踢美洲國家盃，艾莫爾斯阿里就喺分組賽對巴拉圭攻入1球；今屆卡塔爾又應邀踢金盃，艾莫爾斯阿里連續攻陷第3大洲，唔知嚟緊非國盃同歐國盃有冇興趣邀請卡塔爾參賽呢？