意甲賽程出爐 摩連奴C朗10月交手

20210715
東網電視
更多新聞短片
摩連奴C朗意甲交鋒
最強博彩盤路過關神器《串績王》:http://win.on.cc/football/ 
意甲新一季賽期日前出爐,開咧日期8月22日,明年5月22日收咧,當中有5次周中快車賽程,今屆羅馬賽程備受注視,一切因為「寸王」摩連奴!
摩連奴4月底被熱刺炒魷後,火速同羅馬達成協議,今季將重返意甲,帶領該支首都球會征戰,近日即簽入狼隊門將魯爾柏迪斯奧,大家都期待「寸王」領軍下,羅馬踢出燒鵝味道。
賽程方面,羅馬開咧戰即遇硬仗,主場迎戰費倫天拿,首個考驗在9月底至10月,包括對拉素嘅首都打吡、作客祖雲達斯、主場對拿玻里及主場對AC米蘭,其中羅馬作客祖記,將會係球迷期待嘅摩連奴對C朗。
12月係另一個考驗,羅馬將會主場迎戰衞冕嘅國際米蘭,摩連奴曾帶領國米奪得歐洲「三冠王」,國米陣中主力如盧卡古都曾與摩帥合作過,肯定矚目,12月另一場大戰就係作客阿特蘭大。