【有片】古天奴復操　巴塞等住賣佢

足球博彩神器，每日重心提供盡在《彩報》：http://win.on.cc/football/　

巴塞隆拿日前展開新球季備戰，雖然陣中有大批球星踢完歐國盃、美洲盃後度假，包括美斯、布斯基斯、柏迪同新加盟嘅阿古路、迪比等等，不過隨隊開操球員仍然星光熠熠，碧基、比真歷、烏姆迪迪、達史特根、安素法迪同奧士文尼迪比利等都有出席，其中巴西球星菲臘比古天奴亦有份復操。

菲臘比古天奴自上年12月重傷後，7個月都未落過球場，今次佢雖然只可以單獨練習，但已經係一大喜訊。不過西班牙媒體消息，古天奴嘅傷愈只係加速佢離隊時間，因為巴塞隆拿已經決定將佢賣走，傳聞AC米蘭、國際米蘭同李斯特城都有意接收呢位巴西中場球星。

據報菲臘比古天奴如果再為巴塞隆拿上陣10場，巴塞隆拿就要向古天奴前球會利物浦支付2,000萬歐元，呢支深受財政問題打擊嘅豪門當然唔會畀呢件事發生，所以正積極兜售，預計轉會費低至2,000萬歐元就可以成交。