兵工廠新波衫復古設計　懷緬光輝歲月

足球博彩神器，每日重心提供盡在《彩報》：http://win.on.cc/football/　

阿仙奴公布新一季主場球衣，仍然係傳統紅衫白袖，當中最大改動係波衫兩側，由上季「白色三間」，變為復古全白色，同1998至2000年阿仙奴全盛時期嘅球衣設計一樣，似乎想表達要重建昔日王朝。

唔少「廠迷」睇到呢款新球衣之後，都話好有親切感，令人懷緬亨利、韋拉、奧華馬斯效力時期嘅光輝歲月，但睇番近年成績，難免令人唏噓，難怪有球迷話阿仙奴現時最美好嘅事物係波衫。

至於新球衣其他改變仲有由上季白色圓領，改為紅色V領，肩膀位置上添加贊助商嘅經典藍色三間。