車路士熱身賽用呢啲　藍戰士版《尋人記》

最強博彩盤路過關神器《串績王》：http://win.on.cc/football/　

車路士周六(17日)進行季前熱身賽，雖然有大半隊主力因為踢完歐國盃去咗度假，不過「藍戰士」仍然有唔少星級球員壓陣，當中唔少更加係大家幾乎唔記得佢仲喺車仔嘅球員，好似真禾特、巴克里、馬蘭沙亞同沙柏哥斯達等等，最終呢支歐聯冠軍輕鬆大勝英冠嘅彼德堡6比1。

一眾歐國盃球星缺陣下，車路士今場有唔少既熟悉又陌生嘅面孔，前英格蘭國腳真禾特時隔1,077日後再為車仔上陣，佢上季被外借去土超，預計今夏都會再被外借，只係估唔到佢仲有機會再披車路士球衣。另一中場巴克里上季外借阿士東維拉有唔錯表現，今仗佢嘅演出亦獲好評，或者有機會留隊爭一席位。至於意大利守將沙柏哥斯達同法國小將馬蘭沙亞，都係經過外借生涯後回流，前途成疑。

車路士陣容鼎盛，今場亦有薛耶治、譚美阿巴謙、基斯甸普列錫、赫臣奧杜爾等球星壓陣，實力遠勝彼德堡，最終車路士憑薛耶治大演帽子戲法，大勝6比1完場。