PSG貴價新兵突然失蹤　原來係確診

足球博彩神器，每日重心提供盡在《彩報》：http://win.on.cc/football/　

法甲勁旅巴黎聖日耳門(PSG)喺周六(17日)同查貝利踢熱身賽，貴價新兵阿舒拉夫突然缺陣，法國媒體《隊報》爆料，指呢位22歲摩洛哥國腳確診新冠肺炎，正在接受隔離。

阿舒拉夫今夏由國際米蘭轉投PSG，轉會費高達7,100萬歐元，佢早前有份為球隊踢熱身賽，上陣對勒芒，並貢獻1次助攻，協助PSG大勝4比0，取得好開始。

不過，阿舒拉夫喺對查貝利之前，不幸確診新冠肺炎，冇份入選大軍名單，PSG最終僅同已降落丙組嘅查貝利打和2比2。