巴塞訓練場現C朗剪報!有特別用途!

2021年07月19日 12:05
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
巴塞隆拿同皇家馬德里一向係死對頭,前皇馬巨星C朗拿度更加係多年大敵,不過最近有球迷發現,巴塞隆拿嘅訓練基地入面,竟然貼上一則關於C朗拿度嘅剪報,要美斯等一班球星時時刻刻睇住,因為呢篇報道有個特別用途!
據西班牙《阿斯報》報道,呢篇剪報係佢哋上年10月報道C朗確診新冠肺炎,文章題目係「C朗返國確診新冠肺炎,無緣對巴塞隆拿」,當時C朗為葡萄牙國家隊踢完國際賽,返意大利後即確診,令佢冇辦法代表祖雲達斯喺歐聯鬥巴塞隆拿。
巴塞隆拿訓練場貼呢則報道,並唔係想幸災樂禍,報道話球會係想提醒球員,就連出晒名識得照顧自己身體嘅C朗,一樣有機會感染新冠肺炎,所以球員要加強警覺,同時加入警告字句:「請遵從防疫守則」。