車路士出手！提議用赫臣奧杜爾換高文

足球博彩神器，每日重心提供盡在《彩報》：http://win.on.cc/football/　

據法國《隊報》消息，歐聯盟主車路士向拜仁慕尼黑埋手，希望簽入法國翼鋒京士利高文，為咗令拜仁慕尼黑答應放人，領隊杜曹答應用英格蘭翼鋒赫臣奧杜爾作為交換，呢位新星一直係拜仁慕尼黑心儀球員，或者有機會達成協議。

25歲嘅京士利高文係唔少豪門收購目標，不過佢同拜仁慕尼黑只剩2年合約，而且續約談判亦拉鋸大半年，若果拖到下年佢嘅身價將大幅縮水，所以車路士決定乘虛而入。《隊報》指車路士提出用赫臣奧杜爾作為交換，呢位20歲翼鋒喺杜曹手上並唔係主力，拜仁慕尼黑2年前就曾經出價4,000萬鎊收購，只係當時赫臣奧杜爾決定續約車仔，但佢近2年喺車路士發展停滯不前，轉戰德甲或者係帶嚟突破。