東奧食堂混入福島食材　食咗都唔知

日本傳媒報道，今屆東京奧運選手村食堂打算使用福島食材，並強調福島食材安全，可供食用，不過在面對一部份國家抗議之下，已放棄這方面宣傳，改為所有食材都不標示產地，奧組委官員表示，選手村食堂照樣混入福島食材，打算等到閉幕後才公布哪種菜色含有福島食材成份。

報道指，東京奧運會村手選主食堂24小時開放，設有3000個坐位，每日提供4.5萬份餐，提供全球各地美食，包括西餐、中餐、齋菜及宗教餐單，全部不標示食材產地，而在選手村另設一個只使用日本國產食材嘅食堂。食堂內有專門設置介紹福島食材嘅空間，宣傳這是日本國產食物嘅其中一種。

據了解，在外國運動員入住嘅選手村，內裏食堂至少使用10種福島食材，包括大米、豬、雞肉、比目魚、鰹魚、北寄貝、蕃茄等，不過奧組委官員表示，打算等到閉幕後，才公布邊種菜色使用福島食材。

日本政府希望透過奧運，向外宣傳福島食材係安全嘅，但遭某啲國家反對，勢估唔到佢哋索性將福島食材混入其他食材，等大家食咗都唔知。當運動員知道呢件事，會有咩反應？