31歲英超球員性侵兒童　遭警方拘捕

最強博彩盤路過關神器《串績王》：http://win.on.cc/football/　

英國多間傳媒爆料，指1位31歲英超球員因為涉嫌性侵犯兒童，被英國大曼徹斯特區警方拘捕，據悉該位球員屬於國腳級球星，現時獲得保釋，等待警方進一步調查。

據悉英國警方上周五(16日)前往該名球員住所進行搜查，並將佢拘捕，事後大曼徹斯特區警方發表聲明，指已經拘捕1位涉嫌性侵犯兒童嘅31歲男子，但由於法律原因，唔可以公開佢嘅身份。

英國《太陽報》等多間傳媒爆料，指疑犯係1位31歲已婚英超球員，並且係所屬國家隊嘅常規國腳。有消息人士指，呢位英超球員已經被所屬球會內部停賽，唔可以參加比賽同操練。由於今次行動由大曼徹斯特區警方負責，未知當中有冇牽涉曼聯或曼城球員。

以往亦曾經發生英超球員性侵犯兒童，前英格蘭國腳阿當莊臣2016年性侵犯1位15歲少女，被判處入獄6年。