【官宣】阿仙奴簽入比利時天才中場

足球博彩神器，每日重心提供盡在《彩報》：http://win.on.cc/football/　

英超球會阿仙奴近期密密出手增兵，正式宣布簽入比甲球隊安德列治嘅中場森比盧干加，轉會為1,800萬鎊。呢位21歲比利時新星等完成隔離之後，就會前往美國佛羅里達州，同兵工廠大軍會合，進行季前備戰。

森比盧干加3年半前已經為安德列治上陣，近2季更加成為球隊主力，上季聯賽上陣33次，射入3球，佢入「廠」之後，將會着阿仙奴23號球衣。

森比盧干加喺今年3月首次獲比利時國家隊徵召，但並冇上陣，亦冇份參加今屆歐國盃。阿仙奴早前已經斟掂白禮頓中堅賓韋特，依家又多1位猛將加盟。

另外，有傳阿仙奴門將賓特尼奴可能離隊，會方計劃簽入新門將，效力西布朗嘅森莊士東，以及巴塞隆拿後備門將尼圖都係兵工廠嘅目標。