皇馬大清貨　向曼聯兜售巴西國腳

最強博彩盤路過關神器《串績王》：http://win.on.cc/football/　

眾所周知，曼聯正準備收購皇馬中堅華拉尼，英國傳媒指「銀河艦隊」趁機向曼聯兜售其他球員，包括想將巴西國腳雲尼斯奧斯祖利亞賣畀紅魔鬼，希望籌集更多資金收購巴黎聖日耳門球星基利安麥巴比。

21歲嘅雲尼斯奧斯祖利亞3年前由法林明高加盟皇馬，至今為呢支西甲勁旅上陣118場，射入15球及15次助攻。雖然呢位巴西翼鋒個人技術出色，但埋門把握力比較差，不時浪費入球機會，而遭到批評，所以皇馬有意出售。不過，曼聯早前已經簽入多蒙特翼鋒查頓辛頓，應該冇興趣簽入雲尼斯奧斯祖利亞。

另外，曼聯希望今個月之內簽入華拉尼，令呢位法國國腳有足夠時間同球隊進行季前備戰，據悉現時交易最大障礙係皇馬要求5,000萬鎊轉會費，但曼聯認為價錢太高，希望皇馬減價。