寸王又出手！今次斟掂烏拉圭國腳

足球博彩神器，每日重心提供盡在《彩報》：http://win.on.cc/football/　

摩連奴成為羅馬教練後，積極為球隊增兵，繼早前簽入狼隊門將魯爾柏迪斯奧之後，依家又斟掂巴甲球隊彭美拉斯嘅左後衞馬迪亞斯雲拿，即將以1,350萬歐元收購呢位23歲烏拉圭國腳，頂替受重傷長抖嘅史賓亞蘇拿。

意大利國腳史賓亞蘇拿喺今屆歐國盃受傷，預料會缺陣4至6個月，「寸王」近期四圍物色左後衞，最終決定簽入馬迪亞斯雲拿。呢位左閘出身於烏拉圭球隊國民隊，擁有意大利護照，AC米蘭上年已經有意簽入佢，但被彭美拉斯捷足先登收歸旗下。

馬迪亞斯雲拿至今為彭美拉斯上陣68場，射入5球，預料呢單交易可以喺幾日之內完成。