阿仙奴爆發疫情 美國之行緊急取消

2021年07月21日 09:00
東網電視
更多新聞短片
最強博彩盤路過關神器《串績王》:http://win.on.cc/football/ 
阿仙奴周三(21日)發出官方聲明,證實隊內有多人確診新冠肺炎,原定今日飛去美國踢四角賽嘅計劃臨時取消,大大影響球會季前備戰,實事嘅另外3支球隊分別係國際米蘭、愛華頓同哥倫比亞球隊米倫拿列奧。
阿仙奴上星期完成蘇格蘭訓練營後,原本今日會飛去美國踢佛羅里達州四角賽,首仗對手係意甲冠軍國際米蘭,不過球隊周二(20日)檢測,發現出征嘅80人團隊中出現多宗確診,暫時冇消息話有球員中招,但已足夠令阿仙奴取消今次美國之旅。
阿仙奴上星期曾有青年軍人員確診,令訓練基地一度關閉,今次再取消美國之旅2場熱身賽,嚴重打擊球隊備戰計劃,據報阿仙奴正物色新對手,希望喺呢段日子加插熱身賽畀球員訓練。阿仙奴8月初會再同車路士、熱刺踢2場熱身賽。