【官宣】愛華頓連簽免費兵 肥賓好慳家

2021年07月21日 15:05
東網電視
更多新聞短片
最強博彩盤路過關神器《串績王》:http://win.on.cc/football/ 
愛華頓官方宣布,球隊成功免費簽入中場安祖斯唐辛同門將比高域,據報亦即將以低價買入英格蘭中場迪馬雷格雷,新帥賓尼迪斯買人嘅「慳家」作風,同前任領隊安察洛堤嘅大花筒完全相反。
現年30歲嘅安祖斯唐辛今夏同水晶宮約滿後,獲賓尼迪斯招手同愛華頓簽約2年,兩人之前喺紐卡素曾經合作。安祖斯唐辛加盟後表示:「所有都知道愛華頓係間好有野心嘅球會,我會盡全力幫助球隊達成目標。」愛華頓亦宣布簽入波斯尼亞門將比高域,呢位34歲老將之前效力般尼茅夫,但球隊降班後為減低人工開支,答應比高域可以免費轉會。
消息指愛華頓收購利華古遜中場迪馬雷格雷亦接近完成,轉會費約170萬鎊。愛華頓上季喺安察洛堤執教下,重金簽入杜哥利、阿倫盧利奧等球星,估唔到今季改由賓尼迪斯執教,即大玩「慳家」作風。